CISF Constable Recruitment 2022
സെൻട്രൽ ഇൻഡസ്ട്രിയൽ സെക്യൂരിറ്റി ഫോഴ്സിൽ (സിഐഎസ്എഫ്) കോൺസ്‌റ്റബിൾ (ട്രേഡ്‌സ്‌മാൻ) തസ്തികയിൽ 787 ഒഴിവുകൾ.
ഈ ഒഴിവുകളിലേക്ക് അപേക്ഷിക്കാൻ താല്പര്യം ഉള്ള, നോട്ടിഫിക്കേഷനിൽ പറഞ്ഞ യോഗ്യതയുള്ളവർ ഡിസംബർ 20നകം ഓൺലൈനായി അപേക്ഷിക്കണം.
പുരുഷന്മാർക്കും സ്ത്രീകൾക്കും അപേക്ഷിക്കാം. കുക്ക്, കോബ്ലർ, ബാർബർ, വാഷർമാൻ, സ്വീപ്പർ, പെയിന്റർ, വെൽഡർ, ടെയ്‌ലർ, മേസൺ, പ്ലംബർ, മാലി തുടങ്ങിയ തസ്തികളിലേക്ക് ആണ് ഒഴിവുകൾ
8 എണ്ണം ബാക്‌ലോഗ് ഒഴിവും 77 ഒഴിവ് വിമുക്തഭടന്മാർക്കുള്ളതുമാണ്. രാജ്യത്തെവിടെയും നിയമനം ലഭിക്കാം.
ശമ്പളം
21700–69100. മറ്റ് അലവൻസുകളും ലഭിക്കും.
പ്രായം: 2022 ഓഗസ്‌റ്റ് ഒന്നിന് 18നും 23നും മധ്യേ ജനിച്ചവർ ആവണം.
പട്ടികജാതി/വർഗക്കാർക്ക് അഞ്ചും ഒബിസിക്കു മൂന്നും വർഷം ഇളവുണ്ട്. വിമുക്‌തഭടന്മാർക്ക് ഇളവ് ചട്ടപ്രകാരം. ഉയർന്ന പ്രായപരിധിയിലുള്ള മറ്റ് ഇളവുകൾക്ക് ഒഫീഷ്യൽ നോട്ടിഫിക്കേഷൻ നോക്കുക.
യോഗ്യത: മെട്രിക്കുലേഷൻ/തത്തുല്യം. അൺസ്‌കിൽഡ് ട്രേഡായ സ്വീപ്പർ, ഒഴികെയുള്ള ട്രേഡുകളിലേക്ക് അപേക്ഷിക്കുന്നവർക്കു ബന്ധപ്പെട്ട ട്രേഡിൽ ഐടിഐ പരിശീലനം ലഭിച്ചിട്ടുണ്ടെങ്കിൽ മുൻഗണന ലഭിക്കുന്നതാണ്.
ശാരീരിക യോഗ്യത
ഉയരം: പുരുഷന്മാർക്ക്: 170 സെമീ (എസ്‌ടിക്ക്: 162.5 സെ.മീ.)
നെഞ്ചളവ്
80–85 സെ.മീ. (എസ്‌ടിക്ക്: 76–81 സെ.മീ.), തൂക്കം: ആനുപാതികം.
സ്ത്രീകൾക്ക്: 157 സെ.മീ. (എസ്‌ടിക്ക്: 150 സെ.മീ.) തൂക്കം: ആനുപാതികം.
കാഴ്‌ചശക്‌തി
ദൂരക്കാഴ്‌ച: കാഴ്‌ചാസഹായികൾ കൂടാതെ 6/6, 6/9. വർണാന്ധതയോ നിശാന്ധതയോ കോങ്കണ്ണോ പാടില്ല. കൂട്ടിമുട്ടുന്ന കാൽമുട്ടുകൾ, പരന്ന പാദം, പിടച്ച ഞരമ്പുകൾ എന്നിവ അയോഗ്യതകളാണ്. നല്ല ആരോഗ്യം വേണം.
വിമുക്‌തഭടൻമാരുടെ ശാരീരിക യോഗ്യത സംബന്ധിച്ച വിശദവിവരങ്ങൾക്കു വിജ്‌ഞാപനം പരിശോധിക്കുക. (നോട്ടിഫിക്കേഷൻ PDF താഴെ കൊടുത്തിട്ടുണ്ട്). ഇവർക്കു ശാരീരികക്ഷമതാ പരിശോധന ഉണ്ടാകില്ല.
തിരഞ്ഞെടുപ്പു രീതി
യോഗ്യരായവർക്കു ശാരീരിക അളവുപരിശോധന, ശാരീരികക്ഷമതാ പരിശോധന, രേഖകളുടെ പരിശോധന, ട്രേഡ് ടെസ്‌റ്റ്, എഴുത്തുപരീക്ഷ, വൈദ്യപരിശോധന എന്നിവ നടത്തും. അതിന് ശേഷം ആയിരിക്കും നിയമനം.
ശാരീരികക്ഷമതാ പരീക്ഷ:
പുരുഷന്മാർക്ക്: 6.30 മിനിറ്റിൽ 1.6 കിലോമീറ്റർ ഓട്ടം.
സ്ത്രീകൾക്ക്: 4 മിനിറ്റിൽ 800 മീറ്റർ ഓട്ടം.
അപേക്ഷാഫീസ്:
100 രൂപ. ആണ് അപേക്ഷ ഫീസ്
പട്ടികജാതി/വർഗക്കാർക്കും വിമുക്‌തഭടന്മാർക്കും സ്ത്രീകൾക്കും ഫീസില്ല.
അപേക്ഷിക്കേണ്ട വിധം
www.cisfrectt.in
താഴെക്കൊടുത്ത Apply now ബട്ടണിൽ ക്ലിക്ക് ചെയ്തു, അപേക്ഷാഫോം ഡൗൺലോഡ് ചെയ്ത് ഉപയോഗിക്കാം. ഒരു ഉദ്യോഗാർഥിക്ക് ഒരു ട്രേഡിലേക്കു മാത്രമേ അപേക്ഷിക്കാൻ കഴിയൂ. കൂടുതൽ വിവരങ്ങൾക്കും അപേക്ഷാഫോം ഡൗൺലോഡ് ചെയ്യാനും താഴെ കാണുന്ന അപ്ലൈ നൗ ബട്ടൺ ക്ലിക്ക് ചെയ്യുക
Post a Comment